O pendžardo romano aktivisti taro Dizeldorf – Germaniathaj romano thagar Legija Paterson premal o agorutne (posledno informacije) so dengja len eksluzivno bašo “Romatimes.news”, ka startujnel te del o dokumenti “Romane lično karte” so šaj len len sa o Roma tari Europa thaj avrial, kote ka šaj odole dokumentea, bizi razlika savo državjanstvo isi le te ovel oslobodime taro pukjiba danok ki them kote so dživdinela.
Sebepi o skupo (kuč) administrativno procedura thaj registracija ov akcentirinela deka o Romane lično karte ko starti taro akala 3 maeskia ka den pe bašo 170 eura . O popust si kerdo te šaj te te ovel so poeftino sakone Romeske. O Legija vakerela kote premal oleskoro kerdo angažmani, e Romane lično krataja , sako Rom so ka ovel ole, ka ovel oslobodime taro, pukjiba danok, thaj režisko troškia ki pli them – država.
“Džanav ki savi ekonomsko situacia si amare Roma, odoleske lično me em mi organizacia “Paterson Familia” , kerava sa te šaj e Romenge te anav pobaro komoditeti thaj benefiti. Sa dži kote ikerel man i snaga, ka borinav man amare Romenge. Ko akala prvo 3 masek i lično karta ka ovel 170 eura, odoja suma tani majminimalno so šaj te kerav la bizo nesavo interes mange” – vakerela o Legija Paterson. “Isi man kontaktia thaj sorabotka uče manušencar taro EU, thaj akava proekti si jekh šukar sorabotka olencar.” – vakerel ov
Inače oleskiri organizacia thaj oleskere aktivno členia bajrol taro dive ko dive sa poviše sar ki Germania agjaar em ki sasti Europa. Premal o informacie, odova tano soske isi le baro respekti taro sa o Roma, a ko jekh isi le but amala em manuša so ceninen ole thaj taro javer nacionalitetia” vakerel o Romano thagar Legija Paterson.
