Ačhona panda duj divesa dži ki realizacia te peraven pe o romane khera ki mahala Plekhanovo an i rusko diz Tula. O protesti te čhinavel pe i dislokacia valjani te ovel ko 25 maj – trintodi.
O protestui si bičhavdo dži ko šefi e administrativno ofiseske an i diz Tula o Avgenij Avilov so rodena čhinaviba e akteske. I reakcia si bičhavdi dži ko [email protected]
Asavke protestia sine kerde thaj an o London an i organizacia taro Romano Konsilo ko čekat e rajoja Gratan Puxon Akale proteste ka šaj čhinavel pe o peraviba romane khera kote šaj bizo kher te ačhon upreder 500 romane čhave.
Ko nakhlo kurko i policia 5 droma ali te del vaktavin kote ka avel pe dži ki implementacia e ande akteske te peraven pe o romane khera an i mahala Plekhnakovo kote si 127 khera thaj oleskiri realizacia trubul te startujnel taro 25 maj 2016 berš – trintodi.
O lokalno romano aktivisto o Ruslan Ivanov vakerel kaj o Roma ki mahala akana si but dravde, thaj na džana ni ki buti, thaj na mukhen e čhaven an i škola. Sa akava iklilo palo kerde sotorie taro desave mediumia, kote rasistikane dengje informacia kote an o akava romani mahala isi nalegalno biznisi šastraja, thaj si “riziko e sasoitnipaske”.
