O dizutne ko centro e dizjake Skopje phiren sine ko improvizirime lavirinti so araKhen pe okola so rodena socialno taro Šuto Orizari em direktno te dikhen save problemoncar arakhen pe akala dizutne.
„But našavde aktia”, “Kodeksi taro butikeriba e personaleske ko socialno Centro” , em “ Ko vakti pukjiba o socialno” si salde nekobor mesažia so sine notirime ki kreativno akcia “Ko lavirinti e Centroske socialno bukjake ko Šuto Orizari” so kergje la grupa aktivistoa.
Ola prekal akaja akcia sikavgje piro revolt taro Roma sebepi nafunkcionalno butikeriba e Centroske bašo Socialno bukja ko Šuto Orizari em bičhavgje mesažo dži ko Ministeriumi baši sociala kaj ko akava Cenbtro trubul seriozno reforme te šaj ov profunkcionirinel.
„Akava kreativno performanso simbolično kerdo sar lavirintio si sakodivesa , personalno džanlipa , dživdipaskere storie em čačutne notacie taro okola so aplicirinena bašo socialno ko CSR Šuto Orizari em o našajdipa sebepi institucionalno lavirinti te len piro socialno so Ustavea si zagarantirime em o kanoni dela asavko šajdipa I akcia si kotor tari praktika em kreativno aktivizmi e romane organizacienge so implementirinena o FOO –Makedonia . Ki kreacia em implkementacia e akciake than lele representoa taro Romano Čačipa- Skopje, IRIZ – Skopje, Nacionalno Romano Centro – Kumanovo thaj Stasioni P.E.T. – Prilep.
