O baro špansko poeto Federiko Garsija Lorka mulo ko 19 avgusti 1936 berš ko ple 38 berša. Ov sine simboli ki politikani represia em fašistikani tirania.
O Lorka sdi biame ko 1898 ko pašipa an i Granada, Špania kote palo Mardrid em USA kerel sine buti sar direktori ko teatar La Barca so nakhavgja sa o regionia ki Špania prezentiribaja kherutne klasicia em aver performansia. Kana počmingja o Špansko civilnikano maripa ov sine phanlo em mudardoa oleskoro trupo sine frdimo ki napendžardi lokacia taro limoria. O Franko manglja te zijankerel sa so si lipardo em hramosardo taro o Garsia Lorka em na sine mukhle te liparel pe leskoro anav.
Ko 30-to berša o Lorka zapendžargja pe e pendžarutne čileansko poeta o Pablo Neruda em ule šukar amala. Bašo e Lorkaskoro mudaripa o Neruda vakergja: „ O Špansko fašistoa mudargje pire najšukar poete“
