O učo kriso ko Beograd angja krisoskiri decizia kote vakerel kaj o Ministeriumi policiake tari Srbia kergja diskriminacia upral jekh Rom thaj romni so sine maltretirime ko policiakoro stasioni ko 2017 berš kana notiringje kaj si čordo olengoro vordon , vakeren taro Europakoro Centro Romane hakoenge – ERRC.
Ki vaktavin si notirime kaj o Rom thaj leskiri romni sine ande ko policiakoro stasiono ko Beograd kaj o policajcoa maltretirinen sine e Rome a ko jekh em e Romnja ki nacionalno funda , em daravkeren len sine kaj o socialno ka lel olengere čhaven.
Ki avgo andi decizia o kriso angja dekreto e Romeske te pukjinel pe sar finansisko kompenzacia taro 4.675 eura, a e romnjake 1.700 eura sebepi diskriminacia fizičko tortura em daravin.
Ki vaktavin si akcentirime kaj o Rom valjani sine te teljovel ko kočaka emo lea ko stasioni sine 8 policajcoa em jekh olendar khuvgja e Rome em čhamidin em terinel lče sine te vakerel kaj ov korkoro čorgja po vordon em o policajcoa kaj phakrargje ko vogi. Vakerel pe kaj jekh taro policajcoa čhivgja leske torba ko šero em tasavel le sinea o aver daravkerel le sine pištolea.
Kana o manuš rodingja te telefonirinel advokateske daravkeren le sine kaj ka len leskere čhaven. Oleskiri romni sine ko aver ofiso dži olende , a o policajco maltretirinel la sine upral religiakiri funda em nacionalno funda em o policiajcoa ko sasto vakti pien sine alkohol.
Na mukhen la sine te džal ko toaleti a kana mukhle ola te fžal ko toaleti olaja alo ko toaleti murš policajcoi, emo j kana rodingja te dikhel pe e advokatea na sine lake mukhle te akharel olem vakeren taro ERRC.
