An i Romania notirime si učo nivelo čorolipa. e kstra i romani populacia numa o govermenti sa odova negirinela kaj isi akava čorolipa thaj diskriminacia an i them , vakergja ko Bukurešt o reporteri taro UN o Filip Alston.
“I Romania si ko agorutno than ko aktia tari edukacia, sastipe, akomodacia thaj sociala” vakergja o Alston , specialno reporteri taro UN manušikane niamenge thaj ekstremno čorolipa.
Aso oleskere lafia paše 40% taro romansko dizutne dživdinel an o nivelo phari egzistencia so hulavel pe sar faisali akale situaciake thaj si but tikne.
“Isi oficialno romansko informacie ko tiknjaripa o nivelo taro čorolipa ko agorutne 10 dži ko 15 berša, numa e Lumiakiri banka na percepcirinel olen sar čačutne” vakerel o Alston.
O UN raporteri dopherela kaj isi dramatično situacia e čhavencar, soske 34% olendar nane len ni fundavutne materialno forme, a 90% taro Roma dživdinen an o čorolipa, a 84% olendar nane len ni elektrika ni pani an o khera.
I Romania buteder si targeti an o kritike taro West sebepi i diskriminacia thaj nabut participacia an i integracia e Romenge an o romansko sasoitnipa.
