O Miroslav Stanojević (28) taro Kragujevac si jekh taro tikno numero Roma so si len fakulteto, thaj panda majhari taro buteder čhave so aven taro familie so si parvarde.
Palo agorkerdo fakulteto thaj resli diploma, o Miroslav 3 berša rodela buti. Ov arakhela buti numa ko khediba maline, phabaja, skenirinel strujomeria. konobari ko kafiči, čhinel čakra ko avlina bašo love.
– Ko šel udara khuvgjum , bičhavav sine CV ko buteder adrese taro dizjakere ili themakere institucie te rodav buti. Vakerva kaj trubul te den suporto amenge e Romenge te šaj ikljova tari čorolikani rota . Mande nane aver alternativa te šaj otkažinav man. Me jerien našabgjum kana sine man 3 berš, legartge man ko ofiso čhavenge bizo jeria ” vakergja o Miroslav.
Našti te dživdinel pe bizo love. Ov dži akana konkuriringja ko 50 thaj buteder thana . Bičhavgja piro CV ko fabrtike auto delonge, mebel, konkuriringja bašo policajco, ko dukjania ko kafičia.
Kereč sine duj masekoja buti sar kuvari ko hoteloko Kopaonik, kana na sine buti gelo te khedel phabaja, a akana skenirinela o strujomeria te šaj pukjinel piro borči baši elektrikani energia.
