Ko buteder atraktivno lokacie an i Gradiška thaj o mahale, o Roma si len kerde lačhe objektia, apartmania, vile, khera, motelia thaj restorantia. Majbaro kotor olendar si Roma so beršencar dživdinena thaj keren buti an i Italia.
Majbare investitoria si membria tari familia Salkanović so akate avile taro Bugonjo thaj Domki Vakuf. Ola majbut investiringje an o vile, restorantia thaj motelia.
O gazda e moteleske “Italia” vakerel kaj planirinela neve investicie. Ov si an o kontakto e italiansko biznismenencar te investirinen an i Gradiška.
Miri familia barabutne e unukoncar gejnaja 85 džene. Savore siem lačhe organizirime.
Aso olestar sa akala vile, imotia, vordona thaj aver si mulo kapitali. Aso oleste majbaro baravlipa si i familiarno baht, sastipe, solidariteto thaj hazri te del pe suporto jekh avereske.
An i Gradiška dživdinena 1.200 Roma, numa prekal o nilaj kana aven o familie tari Italia ko ple khera olengoro numero si duplo majbaro.
