O Ministeri bizo resori thaj Koordinatori an i implementacia e Makedonikane strategiake e Romenge, Samka Ibraimovski bičhavgja seljami e Azime Mamuti taro Skopje bašo sukcesialo agorkeriba e fundavno edukaciake anavkerdo sar dizjakoro Univerziteto – Negotino , ko vakti tari finalno akti e proekteske finansirime tari EU”Škoal sar drumo bukjarnipaske taro Romano edukaciakoro fondi thaj o Ministeriumi bašo sociala an i Makedonia.
O majšukare 25 diplomcia an i edukacia e barenge taro programe Dujto šansa taro 10 komune an i them avdive lele than an i šerutni diz an i Makedonia te len pire diplome baši fundavno thaj maškarutni edukacia taro direktoro e Fondoske an i edukacia e Romenge o Nadir Redžepi.
60% taro 332 diplomcia taro fundavno thaj maškarutne škole tari i programa sikljojbaske e barenge implementirime tari rig taro REF an i Makedonia si Romane džuvlja.
Dži kote o procento taro bizi buti maškar o Roma an i them si upreder 70% o nivelo bizi buti , maškar o Romane džuvlja odova procento nkhavela thaj 90%, dophergja o Senda Mustafov , fascilitatori an o REF. I programa e dujto šansake si la resarin te nakhavel pe em te tiknjarel pe o numero bizi buti prekal arakhiba edukacia, kovlo džanlipa thaj mentorstvo ko pophure Roma.
