E Germaniakoro govermento planirinela te del suporto e personenge savore so apliciringje azileske thaj si iramo olengoro azilo so korkoro ka iranen pe an o pire thema jekh dromeskoro deiba taro 3.000 eura.
O Ministeriumi andrune bukjenge tari Germania vakeren sa okola so pheren o kriteriumia šaj te aplicirinen dži ko 28 fevruari, a o love ka len kana ka iranen pe an i piri them.
Aso i aver programa e migrantonge so ka mangen te iranen pe , angleder te anel pe dekreti kaj olengere aplikacie bašo azili si irame dela pe lеnge po 1200 eura e barenge thaj po 60 eura čhavenge. Olen si len niami te aplicirinen aso o duj programia.
I gazeta Bild am Sontag havljargja kaj avdive 8.639 migrantia lena than an i programa te iranen pe maškar i fevruari thaj oktomvri akava berš. An i Germania isi 115.000 irame okola so rodna azili.
