An i beogradsko mahala Vidikovac, ulo o štarto atako upral duj romane familie.
Olen jekh grupa taro manuša toverencar thaj bejzbol palke demoliringje o objekto kote so dživdinen taro 2009 berš.
O Roma vakerena kote palo akava atako tergjol o investitori so mangel an i odoja lokacia te kerel firma.
Aso o notacie tari Vesna Sandić , grupa 15 džene legarde taro investitori lungo vakti mangel te paldel olen taro odoja baraka thaj paše ko 20 o saati phagle majanglal o udar. I javer grupa ko odova vakti demoliringje o tavani tari baraka. Oj barabutne pe romea iklile sig dži ko policiakoro stasioni te notirinen o incidento, numa odothar vakergje kaj o incidento angleder notiringje aver manuša. Ki barka ola dživdinen barabutne pe 5 tikne čhavencar thaj jek aver familia so isi la 4 tikne čhave thaj i baraka si saste demolirimi thaj o bukja so isi len andre sa si phagljarde.
O anglutno atako sine kerdo ko 8 juli akava berš thaj sine sar so kergje le akana da. Tegaini i policia iklil palem o Roma dengje pire vakerina, a i asociacia manušikane hakoenge “Jednakvost” dengja došperavibaskere aktia , numa o Kriso na reagiringja dži akana.
Youtube: https://www.youtube.com/watch?time_continue=5&v=Fc8KcE1ZviQ
