O ministeriumi baši sociala thaj buti an i kordinacia e nacionalno koordinatorea e Romane Dekadake thaj Strategia e Romenge si len strateško target an o periodo 2012-2020 berš.
„Te bajrarel pe o numero taro Roma an i evidencia ko AVRM thaj okola so si konektirime an o aktivno aktia ko butikerna bašo paše 10% an o 2013 dži majhari 50% dži ko agor tari 2020 berš. te bajrarel pe nivelo ko Roma so khuevn an i buti prekal kreacia implementacia thaj stimulativno politika thaj programe dži ko agor 2020 berš.
Ko periodo taro 2014-2020 te bajrarel pe o numero taro romane čhave an o edukaciakoro procesi bašo 25%. Te bajrarel pe o numero taro Romane edukatoria thaj pedagozia an o institucie e anglosikljojbaskere edukacie dži ko 2020 berš.
Te khuven an i buti majhari 4 negovatelke thaj 2 edukatorke, an o beršeskoro nivelo” si kotor tari strategia.
Ko jekh te oven astarde 98% taro romane čhave ko abripa so ka hramosaren pe an i fundavno škola, tze lačharel pe o sukcesi ko minimum 75% taro čhave ko nakhiba taro jekhto ko dujto klasi dži ko 2020 berš.
Palo odova te barjrarel pe o numero taro Roma so ka agorkeren fakultetia dži ko 2020 berš. Baro nivelo Roma studentia sako adkademsko berš majhari 40% dži ko 2020 berš, ko vjavahari taro anglutne sikljojbaskoro 2013-14 berš.
„Džidoformiriba fundavno jali maškarutni edukacia e phureder Romenge te šaj resen šajdia baši egzistencia , personalno prosperiteto thaj aver soske taro diferentno faktoria na resle te agorkeren piri edukacia. te tikjnarel pe o humero Romane sikle so si an o specialno škole bašo 20% dži ko 2020 berš.
Te legalizirinel pe o romane mahale dži ko 2017 berp thaj majodorig te ovel šajdipa. Te kerel pe lačhariba bašo 50% i komunalno infrastruktura ko romane mahale kote so šaj dži ko 2020 berš. Te konektirinel pe implementacia thaj mehanizmo an i kontinuirimi identifikacia ki navakcianacia e romane čhavenge taro anglosikljojbaskoro peridi thaj sikljojbaskoro periodi thaj ničali vakcinacia” si jekh taro strateško targeti.
