Majbut taro 2.5 milionia dizutne an i Srbia dživdinen an o čorolipa sp si len paše 100 eura an o masek, si kotor taro analize ne Lumiakere bankake: ” Mapa čorolipaske an i Srbia”
Ko apsolutno čorolipa šprosek 90 eura an o masek isi paše 630.000 manuša an i Srbia. Asministrativno čorolipa an i Srbia akanaske isi paše 268.000 diszutne so olengere masekoskere love si an o limeto taro 70 eura.
1.8 milionia dizutne dživdine lovencar sar so si paše 110 eura.
Paše 4.6 milionia dizutne but phareste phanen agor, agorea. I socialno arka legarel salde 1.3 eura an o dive. I mapa sikavela kote majčorole dživdinen an o Tutin kote 66.1% si čorole a an o Novi Beograd 4.8%.
O čorolipa majbut isi an i teluni Srbia – Preševo 63,6 %, Bojnik 63,4 %, Bujanovac thaj Lebane 54,6 %, Babušnica, Bosilegrad, Vladiči Han, Gadžin Han paše 52%. Hari majtele taro 50% si Krupnja, Novi Pazar , Kocelejevo.
An o Šabac odova procento si paše 32,3 % , Kraguevac 23,7 %, Valjevo (24,5) thaj Čačak (24,3). Majšukar dživdinena an o regioni taro Beograd thaj o komune Novi Beograd 4,8 %, Vračar (5,3), Stari Grad (5,4) thaj Savski Venac (5,7).
