O Firma Dizjakiri higiena taro Novi Sad del informacia kote isi nevo mujalkriseskoro akti – čoriba o gunoj
I novosadkso Dizjakiri higiena akan sig privat kompanienge dengja kontrakto so si 50.000 eura te keren patrola an i diz thaj te arakhen o kontejneria.
O biznisi lel le o firme bašo sekjuriti “Ipon Security” thaj “G4S Secure Solutions”. Ola ka čhinaven te zijankeren pe o metalno kontejneri, ačhaven jag, hramosaren garfitia, lepinen plakate thaj ma te ikavel pe o gunoj taro kontejneria.
Odova direktno ka astarel e manušem so kheden sekundarno gunoj a odola si okola o majčorole.
An i Srbia sar love so len taro odova biznisi isi paše 30.000 manuša baši olengiri egzistencia.
Odova keren bizi diferenca sako periodi e beršeske. Bizi diferenca si li biršim, iv,, tato jali bavlal phiribaja ko dive po 10 kilometroa khedibaja purane lila so palo odova bikinen 10 kile purane lila den len paše 0.20 centia.
Olengoro džđivdipaskoro termini si an o proseko 46 berša, akana akale bukjaja taro arkahiba o kontejneroa sa pobuter ka tiknjol olengoro džidbiapskoro periodi.
