Sa o daja so ka bianen an o Skopje taro avdive ko roko taro 48 časia dži kote kamena angleder te ikljon tari ginekologia khere, šaj e bebeske te resen dokumento – sertifikati lil bianibaskoro . Trubul te den pe o identifikaciakere karte taro o duj jeria, so trubul te ovel olen thaj anav e bebeske.
Akava šaj kerel pe e proekteske ” Šukar avilan bebe” so o Ministeriumi baši sastipa promoviringja ani Universitetsko klinika baši ginekologia thaj akušerstvo.
Odoleske o Ministerui sastipaske Arben Travari thaj o ministeri andrune bukjenge o Oliver Spasovski vizitkergje akaja sastipaskiri institucia.
O Travari notiringja kote kerel pe lafi bukjake so si but lokhi thaj importantno.
Dopherdo si kote taro 1 septemvri ka ovel implementirimi an o sa 18 ginekološko institucie bianipaske an i Makedonia.
O proekti implementirinel pe an i konekcia e Miro termini, Ministeriumi bašo andrune bukja thaj Ministeriumea baši Pravda – Ofiso so legarel bianibaskere lila , kote o ministeri bičhavgja šukrikerin.
O ministeri Spasovski notiringja kote e proektea ka lokharel pe o akti resarinaja o jeria ma te našaven vakti thaj te phiren an o institucie, numa kana ka trubul te ikljon tari ginekologia kana ka bianen te resen o dokumenti pire čhaveske te sine len i kompletno dokumentacia thaj te mangle.
-Isi forme , love, resursia, tehnologia so ka funkcionirinen. Taro 1 septemvri ka realizirinel pe thaj an o aver dizja an i republika Makedonia sar jekh lokharipa. Pakjala pe kaj ka ovel motivo sa e institucienge an i republika Makedonia te keren proektia so ka oven an o interes e dizutnenge thaj ka lokharen o sakodiveseskere aktivitetoa, dophergja o Spasovski.
