I Romani populacia si jekh taro majteleperavdi populacia majtikne šansencar an i edukaciam ekonomia thaj dživdipaskere šartia. Numa isi individualcia so keren te peraven odola stereotipia.
Jekh olendar si o Safet Osmanovski , Rom tari Borča, Beograd. Ov nakhavgja i praktika legariba biznisi thaj reslja 3.400 eura kergja frizersko saloni an i avlin taro piro kher.
„Akale profesiaja keren buti mi phen, mi romni a ko jekh thaj me sikliljum la ko askeri ” vakerel o Safeti.
Akaja butu e familiake Osmanovski anel love thaj normalno dživdipa pire duj e čhavencar. Akava si suno buteder Romenge an i Srbia. Ko aver kotor taro Beograd i ilustracia si aver čhane: čorolipa , naaedekvatno šartia dživdipaske. Upreder 30% Roma nane len pire dživdipaskere thana . baro numero čhave dži ko 14 berša si an o droma. Pobaro numero romane mahale si len problemia sar egzanplia kana del biršum o improvizirime khera phergjon panjea thaj čikencar.
Odova si realiteto e Romencar an i Srbia. Sine šajdipa o Roma e Romane dekadaja te iranen desave bukja numa nane kerdo baro aktiviteto.
Ola notirinen salde jekh buti: ” Ola amende ka den amen ge godi kana si o Internacionalno dive thaj kana aven o alusariba”
