Me tute pukjinava thaj me tuke šaj ikavav tari buti.
Parazitirineja me lovencar, danokia thaj pridonesia. Te trubul tuke birake, tu ka tikjnare mi plata jali ka ikave desavi nevi taksa. Mande na pučea, a me pukjinava tut.
Kote isi akava? Me tute pakajava , pukjinava te legare opservacia, a tu sa zijankergjan .
Dengjum tut te legare mi gahlja ko sastipa a tu ” Kinen iljačia soske an o hospitali nane amen odola iljačia”
Dengjum tut te legare i edukacia a tu sa zijankergjan momenteske!. Ikavea jekh a čhivea aver predmetia, ni jekh na džanel ni jekh ko pukjinel, ko hala a ko piela.
Dengjum miro phuripe a me love so dengjum tut ko penzisko fondi hardžimgjan olen em akana kerav buti dži ko 64 berša. Mukhljum te kere opservacia mire arakhibaske a tukergja panagjuri. Čorgje mo kher, na arakhljan e čoren!
Tuke dengjum te legare i gajlja so ka kinav ko marketia so ka hav a tu mukhea te hav sa okola artiklia so i Europa frdel len sar škarti. A odova dav me čhaveske da. Mukahv tut te sevdđinen pe e Krisoske a tu ko alavari na dikhe jekh lafi sar ‘Kriso. Me me lovencar so dengjum mangava elektrika, pani, droma, železnica so ka legaren la profesionalcia a tu čhivea odothe šefia- kafandžie, keramidžie, generalia .
Mangljum odola love te de e majšukar studentenge so diplomiringje a na te kinen tiketo aviopneske ko jekh drumo.
Dengjum tut love te de subvencie e majšukar agrareske a na nesave Jovanoske partisko aktivisti taro to gav so dengja le desavo propozalo ko pšartisko mitingo- Me pobuter nane te pukjinav tut te šaj” Me ka paldav tut tari buti, a te dengje pe godi aver da tu ka ačhove bizi buti.
