JP “Čistoča” dengja 25.000 eura e firmenge “Ipon Security” thaj “G4S Secure Solutions” so ka patrolirinen ki diz te keren kontrola e kontejnerenge an i diz Novi Sad.
Taro akala sekjuriti an i diz udžarel pe te kontrolirinen ma te phagen pe o kontejneria thaj ma te mukhen manušen te len taro kontejneria avrial o sekundarno surovine.
I asociacia e romane studentenge bičhaven protestno lil dži ki JP “Čistoća” lpte rodena te prekontrolirinen akaja decizia soske majbaro numero taro okola so kheden sekundarno surovine si o manuša so dživdinen tari odoja buti em rodena ko kontejneria.
Ko jekh aver da romane organizacia dengje piro protstno lil dži ko Srbiakoro govermento.
Ko lil majzorale reagirinel pe ano angažamno akale privatno firme sar sekjuriti e kontejnerenge an o Novi Sad.
Ko lila maškar o aver hramosarela: ” Akharaja e Srbiakere Govermente thaj o ministeriumo te prependažrel o interesia e themake te tamikerel ko pire principia upral i funda e solidaritetea thaj cirkulacia ekonomiake thaj te keren inkluzia e naformalno manušenge so kheden sekundarno surovine, soske anglal o sasoitnipa ka oven džovaplime te na arakhlja pe lenge sasti thaj siguritetno avutnipa sar olenge agjaar olengere čhavenge ” vakerel pe ko protestbo lil naro Romano NGO sektori an i Srbia.
