Palo lungo dromapripa tari them an i them ola resle te keren perfekcia an o olengoro džanlipa sar muzičaria thaj trgovcia.
Palo milja berša dromaripa siklile diferentno muzikakere stilia tari sako kultura. Numa sebepi so ola dživdinen sine thaj bašavena sine ko diferentno thema sar so si i India, Špania, Turkia, South Afrika thaj Europa phareste si te arakhel pe jekhutni definicia so si i romani muzika.
Ko buteder momentia ola keren sine sar te oven olen desavi našavdi muzika, te arakhen o arti thaj i tradicia, so šaj te oven našavkerde.
Odoja si muzika kote isi majbut žičano instrumentia thaj khujbaskere , isi len diferentno melodie, harmonie, ritmia thaj diferentno formalno strukture taro regiono an o regiono.
So si karakteristikano e romane pop muzikake?
I orginalno romani folk gili si relativno raritetno. I romani folk gili si majbut vokalno thaj si balade gilja bibahtake, thaj o sig gilja so šaj te khelel pe.
E muzika so si la romano stili šaj lokheste te prependžarel pe taro aver stilia. Karakteristikane elementia asavke muzikake si:
Instrumentacia-Sebepi so isi okrestarsko muzika an i melodia. i gili si vazdimi ko majučo nivelo tari folk muzika thaj o lačhipa e harmoniake so odothe isi bas. Majbut istemalkerde muzikakere instrumentia si: kjemana, piano, klarineti, saksi, gitara thaj jazz.
Ritmi- O melodie si aver karakteri, melodisko jekhutne numa ritmički komplicirime. Majistemalkerdo ritami an i romani muzika si 2/2 thaj 2/4 ritmi.
Maijimportantno aspekti an o romano stili si oleskoro muzikakoro idiomi an o koncept e vokaleske. Sar egzamplo amerikanco thaj britnaco keren vorba jekh čhib, numa sako kerel an o piro akcento thaj istemalkerel lafia so sikavel le ki pli forma.
Istemalkeren epitetia so keren i gili panda majlačhi taro orginalo.
