O roma dživdinena 10 dži ko 15 berša pohari taro aver nacionalitetia, soske si len problemia an o kherutnipa, edukacia, sastipaskiri rpotektiva, fizičko maltretiriba thaj tromalipa an o phiripa.
Ezerdernu Gergeli sar funkcioneri an o Europakoro centro vash jurisdikcia e Romenge (ECPR) dikhel kaj o Romano pučiba si but bilačho thaj dikhlo an o politikane egende a majbut an o europakoro nivelo.
“O pučiba tari integracia thaj socialno inkluzia e Romenge si kotor tari politikani agenda an o konteksti ko proceso ko desave thema , so stratujngja an i Centralno thaj Purabali Europa. Akava pučiba akana i Europa observirinela an o thema taro Paščimalo Balkani 2 vakerel o Gergeli.
O rodaripa taro ECPR kerdo an o tereni sikavel kote ko majbaro numero aktia o Roma si irame taro simantre sebepi olengoro etnikano preperutnipa. Ko 60% taro Roma sine irame taro simantre taro simantrakiri administracia- policia soske agjar si olenge vakerdo. Ko 90% kote salde ko Roma rodena pe faktia thaj dokumentia te sikaven soske thaj kote dromarena. Ko 30% taro Roma eksplicitno sine lenge vakerdo kote našti nakhena i simantra soske si Roma.
O Centro dži akana dengja inicijativa dži ko majučo Themakoro kriso te peravel o Kanonia e pasportenge ko akti konfiksakcia e pasporteske aso olende peravel pe o tromalipa taro phiriba.
” O membro 37, nota 1, nukat 6 taro Kanoni pasportenge nane aso o kanoni thaj kontririnela e membroske 27, nota 2, ko majučo jurisdikciakoro akti e themake o ustav e e Rpublika Makedoniake” vakerena o ECPR.
