Saranda romane džuvlja taro Gostivar, Tetovo thaj Debar prekal praktike taro nekobor kompanie resena džanlipa te aven dži ko sasto bukjarnipa jali te sikljon sukcesialo te legaren piro privat bizniso.
O kontraktia vash praktika sine kerdi signatura an o vakti e prezentaciake taro proekti ” Baro leiba than e Romane džuvljake ani berza bukjake” implementirimi tari Humanitarno asociacia “Mesečina”.
– Fundavno resarin akale proekteske si te bajrarel pe o nivelo taro bukjarnipa e romane populaciake thaj buvljaripa bukjarni praktika e Romane džuvljake te šaj khuvel an i berza e bukjarnipaske. Prekal kerdi praktika taro kvalifikacie thaj džikvalifikacie e džuvlenge ka sikljoven džanlipa sar frizerke, kozmetika, šnajderke thaj aver profesie, vakergja i Gjulfer Toči taro HA “Mesečnina”
Ko vakjti taro trin mesekongiri praktika an o kompanie , o džuvlja ka len minimalno lovengoro suporto , an o athinalipa taro varijacie ka resen šaj thaj savakteskiri buti. An o Gostivar o kandidatia si hulavde an o medicinsko institucie, frizersko salonia, marketia thaj aver firme.
O proektsi finansirime tari EU o sektoro vash centralno finansiriba thaj phaniba kontraktia an o Ministeriumi vash finansie. I praktika si planirimi te ovel dži ko juni masek akava berš.
