O barodive Vasilica e Romenge si importantno jekh a jekh sar Herdelezi, sine utsavalkerdo tari mahala an o Železnik an o Beograd. Paše taro šel Romas sine lošale muzikaja, khelibaja, hasjbaja , pijbaja thaj lotaria. Sar centralno than e manifestaciake sine o Mis e Baleske, Najšuži Romani čhaj sine havljardi i 14 beršengiri Kristina Jašarević so legargja i kruna majšuži.
-Resljam pali jekh decenia iranaja i tradicia te notirina akava dive an i Čukarica thaj barabutne kergjam o dive, vakerela o presidento e Romane asociaciake Mustafa Ajeti.
Prekal i tradicia khelel pe sine an i romani muzika. Prekal i tradicia i Vasilica o jekhto dive keraja khere, o dujto savore barabutne a o trinto bičhavaja akava dive.
Neko olendar huljavgja pire menie te šaj khelen, a neko uštiule thaj ko stolice.
I Asociacia e Romengiri an i Čukarica sine organizatori so kergje le pali dešberšengiri pauza. An i Vasilica aso o adetia čhinel pe papin, numa aso o budžeto taro organizatori odoja rat an i sofra na sine asavko mas, numa sine šuko mas taro salame, ordeveri thaj aver specijalitetia.
Link: http://www.novosti.rs/vesti/beograd.74.html:644871-Festa-za-Vasilicu
