O majbarvale ofto persone an i lumia si len barvalipa odokhar kobor so isi e resto jekvaš manušen an i lumia, vakerel o raporti taro Oksfam, , britansko nagovermenteskiri organizacia so kerel aktiviteto bašo naegaliteto thaj čorolipa an i lumia.
O naegaliteti an i lumia si baro ko agorutne 12 masekoa . Majbarvale ofto džene si Bil Gejts, Amansio Ortega, Voren Bafet, Karlos Slim Helu, Džef Bezos, Mark Cukerberg, Lari Elison thaj Majkl Blumberg. Persi berš akala manuša sine len 426 milijarde dolaria barvalipa. Aver rigatar 3,6 milijarde manuša si len 409 milijarde dolaria.
Aso o Oksfam o barvalipa taro jekhto supermilijarderi an i lumia bašo 25 berša ka nakhavel e normalno manuše thaj ka ovel napakjabaskiri suma taro milijarde dolaria. te šaj hardžinel akala love ka valjani te hardžinel milion dolaria ko dive ko thavdipa taro 2.738 berša!
Angleder jekh berš jekvaš taro lumiakoro barvalipa hilaven sine le 62 milijarderia a jekhe beršeske ačhile salde ofto džene! O infr5omacie sikavena kaj naegaliteto dramatično bajrola sebepi o progreso an i Kina thaj i India, analizirinel o Oksfam.
O majbarvale manuša thaj o bare multinacionalno kompanie arakhen peske beneficie ko ziani saste intereseske. Ola len agresivno aktia te na pukjinen danokia thaj istemalkeren e themen so si sar danočno paradizi.
O majbare firme profitiringje pobuter love taro 180 thema.
Akava naegaliteti anel an o riziko i kišli socialno kohezia te čhinavel pe o maripa e čorolipaske thaj si sar tempirimi bomba e demokratiake.
