Akaja forma lafi iklili an o XIX veko an i Francia kote ilustririnela i klasa taro artistia , literatia thaj jurnasiltia so djivdinen an o majcorole kvartia an i diz kote an o odova periodo majbut djivdinen sine Roma. Odoleske odoja forma lafi si an i konekcia e Romencar.
O francusko formal lafi “bohémien” kote pakjala pe sine kaj si diferentno kaj o Roma avile tari Cehia thaj taro Thagaripa Bohemia thaj kolokvialno anavkeren len sine sar Boemia.
Literatia, artistia, jurnas;istia . muzicaria so djovdinen an i forma so si len an o fantazie kaj dzivdinena sar o Roma : autsajdersko, na ko jekh than , na respektirinen o norme na respektirinen o moraloan o konvencionalno sasoitnipa.
But droma peskeanen i konotacia taro higiensko nadisciplina thaj prandinakiri napativ.
Agjaar o boemstvo reslja an o Balkano . Ko odova periodo ale an i Skadarlia thaj Savamala an o Beograd, thaj ko desave kvartia an i Nis thaj Sabac. I formulacia “boemi” olenge sine manus so na iklljola tari kafana.
Numa kobor si akava cacipa e Skadarliake an o Beograd?
Aver lafencar i Skadarlia avdive nane boemsko kvarto!
Cace i Skadarlia si pherdo manusencar so agjaar anavkerde si sar “hohavne boemia” a pobuter olendar si pozeria, trendistia thaj vikend alkoholicaria, kaske si importantno te oven dikhle an i Skadarlia thaj agjaar te pomukhen pe an o vikendi.
Olende nane khanig nakonvencionalno: odova si burzoazija ki pli majplasticno edicia.
