„O konkursi si havljarde an i specijalizirimi internet rig dejba stipendie an o MEN, stipendii.mon.gov.mk thaj isi than kote so ka den pe 50 stipendie e studentnege Roma hramosarde an o džidiplomsko studie avgo ciklusi taro javno thaj privatno univerzitetia thaj učeedukaciakere institucie an i R.Makedonia an o akademsko 2016/2017 berš. Olendar 25 si bašo stidentia thaj brucošia, a 25 bašo studentia hramosarde an o dujto thaj majuče berša taro studiriba” vakergja o Ristovski.
O direktori an o ofiso ko buvljaripa thaj progreso an i edukacia e čhibjenge taro preperutne an o nacionalno jekhina o Redžep Ali Čupi potenciringja kaj o studentia Roma dela rezultatiathaj o numero taro stipendia si majbaro an i paralela persi beršeske.
O stipendie si ko učipa taro 5.000 denaria ko masekoskoro nivelo thaj ka den pe enja maseko, kobor si jekh studentnsko berš. O roko baši aplikacia si dži ko 3 fevruaru. Aso o Konkurso prioriteto ka ovel e studentnege so studirinena an o učeedukaciakere institucie so producirinen deficitarno kadari- naturakoro- matematikakoro, filološko thaj pedagoško fakultetia.
Линк: http://www.mon.gov.mk/index.php/2014-07-23-14-03-24/vesti-i-nastani/1715-50
