O Arslan Bajramoski bukjarno an i “Dizjakiri Higiena”. Thaj dok kerela buti sar užariba e dromenge, ov ko tromalo vakti baši piri edukacia. O Arslan but mangela o lila thaj ko berš drabarel 50 lila thaj odoleske anavkergje le sar “Aca filozofi”.
Angleder 4 berša hramosargja pe an o fakulteto. Ko pli pandžto decenia dživdipaske reslja stipendia thaj ulo studneti an i ekonomia. Pakjajbaske jali na ov agorkergja o studie ko roko.
„O manuša so si paše mancar dengje man motivo thaj nane so te našavav” vakerel o Arslani.
Majbaro prpoblemi sar so vakerel nane o lila thaj o sikljojbe , numa i bari trema.
” Ko jekhto berš taro studie, kana dav sine ispit baši sociologia, sa džanava sine numa haljama i trema”.
Dengja 29 ispitia thaj i diplomsko. Akana si le diploma ama panda kerel buti metlaja. Sine len jekh akahrin bukjake sar magacioneri, numa so sine le problemia e kočakancar, ov na lelja odoja buti.
“Te arakhljum buti šukare, te na palem si šukare” vakerel o Arsalani.
Akana si le reslo thaj stipendia baši master studie.
” Me majodorig drasbarav lila. akava nilaj drabargjum thaj o lil ” Phralja Karamazovi” thaj Bibaht thaj globa” a akana drbarav o “Idiot” vakerel o Arslani.
