Oftovardeš procentia taro barabutne 34.000 Roma so si anketirime an o enja thema memberia an i Europakiri Unia si an o riziko taro čorolipa, a o thema – membria na resena te integririnen e minjoritete, sikavena o rezultatia taro rodaripa e Agenciake tari EU upral i funda tari niamia (FRA).
Aso o raporti bašo 2016 berš paše 1/3 taro anketirime Roma dživdinen bizo pani an o ple khera, a 46% nane len toaleti, tuši jali than najnaribaske khere.
– O marginalizacia thaj diskriminacia e majbare minjoritetesje an i Europa si seriozno nasukcesu e kanoneske thaj polirike an o EU thaj olakere thema membria – vakerel o direktori e Agenciake Majkl O’ Flaharti.
I anketa sikavela kote 1/3 taro romane čhave jekh drom an o masek sovena bokhale, a 50% taro Roma so si ko baripa taro šov dži ko 24 berša na džana an i škola. Paše 40% taro anketirime vakergje kaj hošinena pe diskriminirime kana rodena butui , kher, sastipasjuru protektiva thaj edukacia.
An o raportoi si notirime lačharipa an i situacia e Romencar an o 2011 berš kana sine realizirimi i anglutni kerdi anketa tari Agencia.
II Agencia tari EU e fundavno niamenge potencirinela kaj panda isi baro čorolipa an o Roma ki Bugaria, Čehia, Grcia, Špania, Hrvatska , Ungaria, Portugalia, Romania thaj an i Slovakia.
