O Jestrović si terno likovno artistiu so dživdinela thaj kerel buti an o Beograd. Momentalno si le artistikano performansi an i galeria Kulturakoro centari “Stduentsko grad” kote si le prezentacia so kergja len an o pervazia e proekteske umetnikani rezidenciua “Cimer” kote an o periodi taro 2 masekoja dživdinela sine thaj kerel sine buti an o studenteskoro apartmano thaj aver studentia an o Berlin, Germania.
„Man si man duj themutnipa , duj pasportia, thaj ko avgo berša istemalkerav sine le an i forma te šaj palo trin masekongoro ačhoviba na o thema tari EU, te šaj aver pasporte te khuvav palem thaj majlungo ačhovava sine thaj kerav sine buti.
Palo mlo avgo džajbe an o Berlin istemalkerav sine te kerav performansi anavkerdo sar ” I stoka taro ost” Odova sine kerdo prekal mlo džanlipa taro ofiso migrantenge ko momenti taro integracisko procesi so kerel pe sine thaj but amare manuša sar Roma pire pasportea automatski sine notirime sar aver kategoria manuša, manuša taro dujto nivelo.
O kanoni tretirinela savoren jekhutne numa kana si tumen aver akcento nane pibut sa jekh. Avere rigatar amari integracia athinela tari amari tehnikani intelegencia so na parcipirinela but . Odova sikavela o mentalno sklopi taro EU mujal amende e Romende.
