Angloalusaribaskiti tinan thaj kalkulacie! Motivi dengja man jekh gili taro akana rametlia bosansko kantautori Kemal Monteno thaj oleskiri legendarno “Jekh rakj ko dekemvri” (Jedne noči u decembru”) Aj te džan an i suština. sako drom asavke kalkulacia keren pe anglal alusariba. Palo odova – KHANČI! So ka ovel, kana ka ovel. Fakti si kote aso i statistika Roma siam 56.000.
„I dar arakhel i drakh” si o motivi kote dži akana na vilo dži ki realizacia e ideake i Makedonia jekh alusaribaskiri jekhin. Thaj dikh situacia, SRM, e Amdiaskri, DSR e Šabaneskiri PCER taro Samka, OPER taro Neco, Rom taro Erdžani, PIR e Berateskiri, DPR e Miljazimeskiri konektirinaja akate taro okola da “biathinale” thaj aver sa ko jekh Ambari!.
Taro barabutno numero Roma an i R.M. te oven 50% hangibaskere niamea odova si paše 28 dži ko 30 mile Roma niamea te hanginen. Matematikane procentea odova si 6-7 mile hangia baši jekh deputatengoro than . Prosta matematika thaj kalkulacia sikavel o Romano bolko te ovel le 4 dži ko 5 deputatia Roma. te dikhel i Romani diaspora an i Europa thaj buvleste ake panda jekh deputatengoro than.
Trujal deputatengoro than ka ovel solidno pozicie thaj šanese bašo ministeria, viceministeria, direktoria ko institucie thaj aver. Ko lokalno nivel panda majbut. Numa bizo suete thaj egoizmo. Ko sa importantno thana te involvirinen pe thaj intelektualno thaj educirime Roma thaj okola dđžanle purabne manuša taro Romano NGO sektori.
Akana si kasno, numa eventualno desavo aver “11 Dekemvri” soske ma te kerel pe plani. Ka ovel super sar i balada taro Kemal Monteno ” Jedne noči u decembru”.
