„15.500 vize bašo gastarbajteria taro Balkani i programa taro germaniakoro govermento bašo legalno khujba taro ekonomsko migrantia an i Germania funkcionirinel thaj šaj te ovel internacionalno modeli” hramosarel o “Welt”. “Akana kana isi bari migrantsko kriza an o 2015 berš ola masovno avena sine an i Germania thaj rodena sine azili: migrantia taro thema ko Paščimalo Balknai – Albania, Kosovo, Srbia, Makedonia, Bosna thaj Hercegovina thaj Montenegro. Akaja grupa ko persi berš apliciringja 144.000 rodaripa bašo azili – trujal so o šanse bašo pozitivno dispoziteti si jekhutne ko zero.”
„Te šaj tromarel pe o sistemi tari presia vash nesave ekonomsko migrantia te šaj del pe lenge šajdipa bašo šajdipa legalno avipa an i Germania , o govermento ko kaninia bašo urgentno aniba decizia bašo azili , angja gastarbajtersko programa vash Paščimalo Balkani , so ka ovel oficijalizirime taro 2016 dži ko 2020 berš.
Ko jekh o thema taro Paščimalo Balkani si havljarde sar siguritetno thema. I implementacia e programake sukcesiale startujngja taro septemvri, a so o informacie taro “Welt” dende si akanaske 15.500 vize”.
„I Gastarbajtersko programa si regulirime a membroa 26 taro kanoni bukjarnibaske . Kana o migrantia taro balkani ka resen desavi konkretno šansa baši buti jali praktika, i Agencia vash buti del dekreto e firmake bašo te lel an i buti desave persona, odoja persona ka šaj an i pli them te lel viza te šaj avel an i Germania. Sar šansa si kote odoja persona ko agorutne 2 berš te na aplicirngja azileske, jali irangja plo apliciriba azileske thaj korkoro gelo peske tari germania angleder te avel akaja Rezolucia an o oktomvri 2015 berš.
Link: http://tv21.tv/mk/?p=106492
