E ternegere akcie startujngje panda an o 1941 berš , majanglal te khedel pe šastra thaj municia bašo o maripa, palo odova khedima kundre thaj šeja e partizanenge. Ko vakti taro SFRJ sine buteder taro šel akcie thaj 20.000 lokalno tamikeribaskere thana!
Ko dive taro o mariba sine formirimi i avgo ternikani udarno thaj agrarno brigada, so bašo o trin masekoa khedingje 120 vagonia but emiši thaj zarzavati.
Palo o agor e maribaske startujngje te tamikeren fabrike, kanalia thaj elektrane. An o 1946 berš taro maj dži ko noemvri ikergja pe i avgo amerikansko bukjarni akcia – tamikeriba trenoskiri linia Brčko -Banović. Olate than lele 62.268 terne manuša thaj 283 bukjakere brigade.
Bašo šov masekoa e Titoskere terne kergje 90 kilometria trenoskiri priga, nakhavgje trin tunelia so sine barabutne bare po 600 metria , konekcijaja thaj i Majevica so si lungo 394 metria. Palo duj berša an o 1948 berš startujnel i era taro bare operacie.
Sine kerde 16 pruge, sabarabutne lungipaja taro 560 kilometria, kote majimportantno sine Brčko .Banović (90 km), Šamac -Saraevo (242 km), Doboj -Banja Luka (90km)
Majbaro aktiviteto sine kerdo ko tamikeriba e autodromeske ” Bratstvo- Edinstvo” so barabutne sine lungo 1066 km. Than lele barabutne 2 milionia terne manuša, kote ko 50-to berša krokoro kergje buti bilovengoro 135 milionia bukjarne divesa.
O objektia sine tamikerde rekordno sig vakteske. Sar egzamplo o autodromi Beograd – Zagreb taro 380 km sine kerdo bašo trin berša.
Akala Ternengere akcie sine aktivno sa dži ko 1990 berš , kana sine čhudeime o lopate thaj o phralipa em jekhipa em počmingje tephajraren maškar peste, a o terne počmingje te giljaven nesave aver gilja.
