I Asociacia e Romengirii - Domari  an o Erusalim si fundirime k 1999 berš thaj si jekhutni organizacia an o Erusalim so kerel suporto e Romenge – Domamri. I Asociacia kerel aktiviteto an o nivel taro grasrut te kerel socialno, kuulturakere thaj  edukaciakere umalja akale minjoriteteske so lungo vakti si diskriminirimi, teleperavdi em čoroli  sar pobuter Roma an I Europa da. O fokusai si ko džuvlja em čhave , I Asociacia arakhela modalitetoa  te del tutorstvo ko škole, stručnoo praktika e džuvlenge thaj kursia em edukacia barenge. O Domaria k Paše Purab thaj Utarali Afrika  resle ko  regioni pali lengiri migracia tari India  ko nekobor migracionoo periodia. Ki Palestina o Domaria šaj te arakhen pe ki Paščimali kinara thaj ki Kustik Gaza. Ko Erusaliim o Domaria bešena ko kotor tari Purani  diz, ki mahala Bab al – Huta ko pašipa tari Leoneskiri porta. Trujal o but šelberšippa ko akava regiooni o Domaria bajrargje pire darhie em asimilirime si mejstrim Palestinconcar  em I palestinsko kultura.

O Domaria avdive si muslimania em keren I arapsko čhib. Trujal o nomadsko dživdipa I  čhib  o Domaria bistergje, a o identiteti ikerena prekal pire adetia, hajbe em zanatia. I Asociacia isi la partenrsko korelacia e organizaciaja Sunbula taro 2008 berš prekal praktika ko artikliriba artikloa e džuvlenge ko zanatia. Olenegere nakitia em suveniria si unukatno e konektirime e lokalno palestinsko kulturaja so asocirinel ko Domaria. I Asociacia legarel em o proekto Domari Gypsy Kitchen. Sunbula del suporto akale inicijativake prekal „Runch Deli in the Garden“, ničalo  akti ko kurke so kerel kherutne palestinsko kerde hajba.

Domari Society of Gypsies in Jerusalem

10 Shafat Road, Jerusalem

 Telefax: (+972) 02-532-4510

 Această adresă de email este protejată contra spambots. Trebuie să activați JavaScript pentru a o vedea.

Angleder pobuter tar jekh berš  dokumentarno filmi tari SP BTR „ Dživdipa pe droma“ ki režija taro Zoran Dimov , ikergja piri premiera , kote e publika mukhlja ko asva em hor emocie. I storia si baši marginalizacia, ekonomsko nasiguriteto, egzistencia jekhe 5 dženengere romani familia, kote  ko jekh sine da len džene bizi dokumentacia em bizo kher.

Akana si ko agor e formalnosteja taro dokumentacia em ko sig vakti ka len pe dokumentia baši identifikacia . Numa jekh taro majbare benefitia si kaj jekh taroo šerutne akteria o tikno 8 beršengoro Sali Ademov so anglutne sine pe familijaja pe skopsko droma em mangel sine devlenge  akana počmingja jekh majšužo perido ko dživdipa. Počmingja te džal ki škola em te educirinel pe.

Baš i poenta e dokumentarcoskiri si em e režisereskiri Dimov te ovel em bičhavel mesažo e themake em e institucienge kaj akale familiake te del pe šansa te dživdinen piro dživdipe sar savore avera an i them. I pakjiv si akate e filme „Dživdipa pe droma“ sine le efekti!