Avel paše o periodi e biavengoro an i Makedonia. O restorantia hazrkeren pe sezonake akale periodeske an o berš. Ko jekh em o šnajderia, o butkia, dukania lulugjengje thaj sa o aver biznisia so isi len profiti biavencar. Odola biznisia majbut džan an o odoja sezona.
Majhari 50 milionia eura! Akala si love so sako berš hardžinen pe bašo keriba biava an i Makedonia.
Aso o statistikane informacie taro Ofisi statistikake sako berš an i Makedonia isi po 14.000 prandina. O kalkulacie sikavena kote bašo jekh skromno biav taro 200 misafiria hardžinen pe majhari 4.000 eura. Numa džanel pe kaj isi biava kote hardžinen pe thaj po 10.000 eura. Agjaar avel pe dži ko proseko taro 50 milionia erura an i sezona.
Majbaro deiba love si an o restorantia, kote o meni si taro 10 eura pa naupre.
O gazdia e restorantenge keren meni ko savi majlačhi ponuda te del. Neko rodel posebno dekoracia, so normalno pukjinel pe esktra. Sako detali plus si plus harči. Snimiba thaj fotografie si taro 300 eura pa naupreko athinalipa so mangena o gazdia beiavengoro, thaj so šaj te den o snimatelia sar ekstra.
O venčanice, o odelo e ternenge thaj aver garderoba so kinela pe si majhari prosek taro 300 dži ko 500 eura. I muzika ko jekh si harći so si faktor sar ka ovel o bijav. Orkestareske majhari del pe 400 eura pa naupre, a ekstra thaj peačenge so si majpendžarde thaj džana em po nekobor mile eura. te sine majpendžardo.
Akava si salde jekh kotor taro fundavno harči biavenge. A isi panda but aver detalia so pukjhibeb pe sar ekstra.
