Ko masek mart akava berš kana peli i avgo klapa taro snimiba e majneve dokumentarno filmeske tari SP BTR Produkcia thaj Stzudio7 , an o scenario taro Zoran Dimov thaj Ramuš Muarem , a an i režia taro Isljam Ajdini an o plani realizacia e filmeske "Lokalno talentia -lumiakere talentia" sine realiziacia e filmeske dži ko agor e beršeske.
Taro tegani nakhle 10 masekoa , a i ekipa realiziringja o filmi aktivno dromaripaja , intervjua e šerutne likoncar Bajram Severdžan, Vaska Jankovska,Rahim Burhan, Muharem Serbezovski. Zorna Dimov, thaj angkutne arhive taro Faik Abdi thaj Esma Redžepova.
Ko jekh i ekipa dromargja dži ki germania., Srbia thaj aver thana te kerel intervju e paše personencar akale likonge sar so si Emir Kusturica, Goran Bregović, Stole Popov, Dančo Čevrevski, Diljaver Muaremov - Dišo thaj aver.
O snimibe sine kerdo taro Studio 7, SP BTR produkcia thaj i produkcia "Fabrika".
Akana majbaro kotor e filmea si finalizirime thaj si akana ko aspekti tari montaža thaj post produkcia, so akala divesa ka agorkerel. Oleskiri premiera udžarela pe te ovel aso o producentia Zoran Dimov ko thavdipa e masekoske Januari 2018.
I muzika e filmeske si kerdi aso o i idea taro Diljaver Muaremov - Dišo, thaj aranžirimi taro Mite Stoilkov kote bašavem thaj aver muzičaria sar so si Džambo Agušev, Tair Aljuš, Goran Stoilkov thaj aver.
O filmi finansiki si suportime taro Agemcia filmeske tari R.Makedonia.
