Prekal agorutno gejniba e dizutnen  - April 2011 berš, a ni diz Bujanovac taro 47.423 dizutne, Roma si 4.676, jali 9.87% taro dizutne. Osasto numero taro gejnipa panda nane pendžardo sebepi so i albansko populacia kergja bojkoto ko akava gejnipa. 

 

Numa džanel pe kaj Albancia an o Bujanovac si 54% , Srblie 15%, o Roma paše 10% thaj aver nacionalnostia si o resto paše 20%.

Numa interesno si kana gejnela pe o institucionalno thanjaripa - buti ki akaja diz. Deputati an o Konsili e dizjake taro Bujanovac , Roma nane. Ni jekh Rom nane ki buti thaj ko Adalati - Sudo. Roma nane ni ko telekomunikacie thaj elektrodistribucia.

Ko kerdo rekapitulari bašo bukjarne thana ko lokalno legaripa, themakere institucie thaj edukacia, i statistika sikavel kaj taro barabutno numero 2.253 bukjarne 63% si Srblie, 34% si Albancia dži kote Roma si salde 1.7%

O hulavipa taro institucionalno bukjarne thana dikhel pe kaj o Roma si chidime saste ko margine trujal olengoro procenti an i diz Bujanovac kote si paše 10%, premal i logika trubul taro sabararbutno numero ki administracia te oven paše 220 Roma ki Buti ko Bujanovac ko momenti isi salde 39 Roma.


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 35

Yesterday 140

Week 320

Month 2760

All 437125

Currently are 59 guests and no members online

Kubik-Rubik Joomla! Extensions