O Ministeri baši socialno pilitika Mila Carevska thaj o membro taro UN buvljaribaske Luiza Vinton vizitkergje i thardo garteni an i komuna Šuto Orizari "8-to April" so havlajrgje kaj bašo 18 masekoa i komuna ka resel nevo čhavorikano gardeni.

 

Finansie e infrasturkturake thaj intervencija ko učipa taro 700.000 dolaria saste ka del o Ministeriumi avrutne bukjenge tari Norveška. O rpoekti ka ovel realizirime e Programaja bašo buvljariba taro UN (UNDP) so si an i them.

 

I purani thardo čhavorikano garteni jekhutno asavki forma an i komuna ko than taro 1500 m2, ka resel nevi forma aso sa lumiakere standardia te šaj sikljoven čhave anglal sikljojbaskoro periodo. O nevo objekto direktno ka del suporto bašo pobuter taro 200 romane famile majbut romane nacionalitetea kaskere čhave taro 2 dži ko 5 berša si konektirime ko akava anglaledukaciakoro sistemi.

 

Ko jekh o nevo objekti ka bajrarel o kapacitetia bašo panda plus 50 čhave so odova ka bajrarel i inkluzia e Romane čhavenge an o akava sistemo, Ko jekh planirime si te putrel pe jasli grupa so dži akana na sine an i komuna.

 

Aso sa e lumiakere standardia i praktika akale formale taro objektia ka ovel saste adaptirime e čhavenge so si len invaliditeto te šaj opservirinen akaja programa. O tamikeriba e objekteske ka dikhel o propozalia baši energetsko efikasnost thaj lokhi opservacia e objekteske.

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 152

Yesterday 235

Week 915

Month 6758

All 358741

Currently are 32 guests and no members online

Kubik-Rubik Joomla! Extensions