Aso o akcentiriba e amerikansko magazineske"Gypsy Roma Traveller",e Elvis Prisli si le romane darhie. Oleskere parapapia sine Roma so dživdinen sine an i Germania. Ola ko starti taro 18 veko emigriringje an o USA. Ko jekh o magazini akcentirinela kote e dajakoro čhajorikano anav taro Elvis sine Smith, thaj sar so notirinela o magazini sine "but istemalkerdo anav maškar o britansko Roma".

Numa o Dejvid Eltir publicisti thaj naučniko akcentirinel kote nikana o Elvis Prisli na lipargja kaj si Rom. Kobor so si pendžarde ko stručno ofisia, nane notirime kote o Elvis Prisli siguritetea kaj isi le romane darhie.

"Fakti si neko kaskiri paše familia sine Roma angleder 300 berša, na del siguriteto kaj ov si Rom" vakerel o Eltir.
Ko jekh akcentirinel pe kote angleder te ovel ov pendžardo oleskoro darhianilipa si germansko thaj o anav so legarel sine le sine tipično e Romenge thaj Sintia tari Germania - Presler.

Trujal sa pendžardo si kote trujal o Elvis Prisli sar deklaririme romane darhiencar trujal aver pandžerde anava si thaj o Čarli Čaplin, o britansko akteri Majkl Kejn thaj i amerikansko holivudsko čeren i Rita Hejvort thaj aver.

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 4

Yesterday 111

Week 263

Month 3570

All 443594

Currently are 79 guests and no members online

Kubik-Rubik Joomla! Extensions