Šudro badalano dive ko nort kvarti an i Moskva , 16 džene bizo khera thaj 12 volonteria taro NGO khedingje pe an o parko Sokolnik te khelen fudabli.
Ola khelen sine fudabli ko fudbaleskoro šampionato e manušemnge bizo khera organizirime taro NGO Milosrdie, salde 5 divesa anglal o startzi e Fudbalsko lumiakere šampionateske an i Rusia 2018 . Aso o organizatori akale mečeske Irina Mešerekova, sine organizirime te sikaven kaj "O fudbali si savorenge".
Ko jekh i organizacia ko aver forme sine ki diz ko periodo kana ikerel pe o fudbalsko šampionati 2018 . Jekh kotor an i Moskva - persone so o legaripa esapinen čen sar namangle si majbut taro Roma , thaj pohari bizi bari galama sine chidime taro droma, zorea legarde avri tari diz.
E Romen so arakhel sine i policia bizo dokumentia khedela len sine em legarel len sine avri tari diz. Olen legarel sine busencar po desavo drom em 100 km avri tari diz ko kerde spec kampija so si kerde bašo akava fudbalsko pampionati sa dok na agorkerel. Okola so na mangen sine te džan zorea sine legarde.
"I policia vakerel kaj sa džala sine normalno. Numa džanav kote butder džene sine legarde telal presia thaj zorea ko autobusia" vakerel i 22 beršengiri Lucia, Romani so mangel devlenge an o centro e dizjake ko pašiša e moskovskope katedralake Isus Hristos.
I Lucia džanela bašo sa akala teroria tari i policia so kerela sine premal akaja kategoria manuša an i diz. Pobuter Roma okolenge so džanel kaj sine legarde tari diz telal i daravin tari policia te overn so majdur tari Moskva ko vakti e Fudbalsko šampionateske.
Oj korkoro da kergja baro riziko so ačhili ko centro te mangel devlenge taro turistia so phirena sine odothe . Oj sine barabutne pire 30 beršengere bojraja i Dina thaj i 25 beršengiri amalin i Marija.
Link: https://www.travellerstimes.org.uk/news/2018/07/roma-purged-world-cup-moscow-undergoes-clean
