Ko šel metria taro ofiso taro PIOM ko pašipa e kejeske tari len Vardar, isi parkirimo purano, vbato kombe, pakjardo ko najlon kese thaj kebia.

Odova si o kher tari familia Eminovi.40 beršengoro Aljuš, oleskiri romni i Elizabeta 5 čhavencar, 13 berš dživdinena bizo kher avrial.

Sar peravgje olengoro tikno purano kher, so sine telel i them, akana dživdinena sar džanena.

 

Angleder desave berša o Aljuš sovena sine telal o phurta ko najlonia sa dži kote na khedingja love taro purane sastrna thaj kingja jekh purano kombe kote so bešena.

O Aljuš ikavgja e bešipaskere thana, kovingja daske , čhivgja kebe thaj jorgania te šaj te soven.

Nekobor purane kebia thaj šea si sa so isi olen.

Nane len mesali, stolice, soske sar so vakerel o Aljuš odothe bešena, odothe hana, odothe sovena.

Numa palem ov si skromno. Vakerela kaj nane barem ko droma, thaj na del len biršim. Kana isi bare biršima thaj iva, so thavdel o pani taro plehia taro akava pirano kombe but drom uštena taro sojba saste sapane thaj panjale. Jekhutni egzistencia si o love so lena len taro socialno, thaj te ikingje nesave purane sastrna.

Oleskiri romni i Elizabeta vakerel kote majbut darala bašo o sastipa e čhavengoro. Jekh taro čhave nasvalilo but phareste, ama kurtalingja.

Ko asavke šartia dživdipaske but si phareste te ikeren pe o čhave uže higiensko thaj saste, numa sa o čhave sine uravde ko purane numa higiensko šea. Oj vakerela kote legarela len ki disavi amalin ki mahala Madžir Maalo, thaj odori nangjarelalen jekh drom ko kurko, a ki fontana thovela o šeja.

Baši akaja situacia taro Aljuši thaj i Elizabeta o institucie vakeren kaj džanena lengiri situacia. Ola nekobor droma apliciringje socialno apartmaneske numa na dengje olen. Javere rigatar o Aljuš vakerel kaj pherel sa o šartia soske si ko minimum stabdardia manušeske thaj si čhavo bizo jeria. Barilo ko apartmani themakoro ofiso 25 maj , ofiso kote si čhave bizo jeria. Gelo sakote numa bizo sukcesi bašo te del ole neko suporto.

I Elizabeta vakerel kaj desave humano manuša dena desavo drom suporto sar si si šea thaj hajbe. Numa odova na resela. Kana nane normalno šarti dživdipaske, nane efekti nisavo.

O Aljuš trujal fundavno edukacia isi le sertifikati thaj bašo TV elektroničari, numa sar so vakerela nane le kote te reparirinel o TV. Ko agor o rom thaj i romni bičhaven apel dži ko themakere institucvie te dikhen hari thaj olende sar ola dživdinena. Majbut mangen kher.

Ko olengoro kombi kote dživdinena dikhel pe kaj si ola harmonično familia. Ola ikeren thaj hulaven sa barabutne,, sar o lačho agjaar thaj o bilačho. Odova dikhel pe kote i majtikni čhaj i Almedina khelel sine pe mangle džuklea o Tajson.

 

Video link:

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 158

Yesterday 235

Week 921

Month 6764

All 358747

Currently are 66 guests and no members online

Kubik-Rubik Joomla! Extensions