I unia lel suporto thaj taro pendžardo germansko fudbalsko reprezentativco o Arne Fridrih. I Fondacia so legarel oleskoro anava kerel integracoia e ternenge taro migranstko jeripa. E Fridriheske si importantno te teloikerel e Unia sar so vakerel " taro rasizmo, but bilačhipa kerel pe e čhavenge taro minjoritetia".

Bizi edukacia thaj jekhutnipa šansa akale čhavenge nane šajdipa baši integracia, akcentirinel o pendžardo fudbaleri, so avdive an o Berlin drabargja o Apeli tari Uniako pervatia e manifestaciake bašo viktimia mudarde ko Lipar taro Roma thaj Sinti ko vakti taro nacionalsocializmo.



Apelea i Unia mangel palem kerel debata sebepi i deportacia e Romenge ko thema tari Balkani. Ko fokusi sine i storia taro phralja Roma - Kefaet thaj Selami Prizreni. Olengiri familia ko starti taro 1990 berš  našle taro Kosovo an i Germania. E Kefaet tegani sine le 4 berša, a oleskoro phral o Selami biandilo an i Germania.

O duj džene džana sine an i škola ki Germania. Sar hip - hop muzičaria oven pendžarde thaj avri tari diz Esen. Ko 2010 berš o phralja si irame an o Kosovo. Odothe ola sar "Germancia" na sine lačhe konektirime, taro ple eks themutne. O phralja Prizreni taro 2014 berš palem si ki Germania a olengere statuseske panda nane andi decizia. Ko lil dži ko Germansko mediumiao phralja vakeren pli situacia, thaj kerdi si filmsko storia anavea " Trapped by Law“.

Na kamaja te žalinen amen, mangaja te respektirinen amen" vakeren o phralja Prizreni. O duj phralja avdive da ple mesažea tergjon an i bina ko Berlin sebepi 8 april. O mesaži si sa e minjoritetenge so trubul te resel dži ko pluralizmo.

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 45

Yesterday 138

Week 45

Month 3611

All 431438

Currently are 112 guests and no members online

Kubik-Rubik Joomla! Extensions