O Košice si dujto diz an Slovakia prekal o abripa, so ko 2013 berš sine havljardo sar europakiri diz baši kultura. Ko oficialno internet rig e dizjake so si promovirime sebepi akaja tutula maškar o aver hramosarela:" Diz so si atraktivno dživdipaske, kote sa o dizutne si bahtale thaj o turistia sako drom aven palem te vizitkeren amen.." Odva si šaj čače, numa na bašo o dizutne tari majbaro europakoro geto Lunik IX.

Taro dur akava kvarto nane diferentno taro aver kvartia so si kerde neve apartmania ko sociorelano stili: nekobor betonsko apartmania, thaj oblakoderi rujalk o atudromi. Numa kana khuvel pe ki mahala dikhel pe izolirimo geto. Ko savato kana pobut manuša si khere ola tergjon anglal plo aprtmani. Taro paše dikhel pe kote ko khera nane pendžerke, isi purani fasada thaj an o droma si gunoj. Ko maškar tari mahala isi policiakoro stasiono sar barikada anglal aneksirimi teritoria.

Ki Slovakia naoficialno isi paše 500.000 Roma. Majbaro numero olendar dživdinen an i Utarali Slovakia. Beršencar napalal e slovakiakere legaripa resel krisoskere decizie thaj kritike taro Amnesti Internejšnal bašo narsepktiriba manušikane hakoa . Šov džuvlja angje kriseskoro akti anglal Europakoro Kriso vash manušikane hakoa, baši kerdi zorea sterilizacia kana sine ko hospitalo: o akti udžarel pe so si identično e aktea tari paše them Ungaria kote asavko akti si notirime taro kriso sar pozitivno thaj validno.

E dizjakere legaripa ko Košice ko 1995 berš angja rezolucia 55 so legarel per premal o borčlie, o Roma thaj o aver naadaptirime dizutne an o Košice. Odoja rezolucia dengja signatura o nekanutno dizjakoro šerutno taro Košice o Rudolf Šuster so si biamo ki mahala IX. O roma ko odova geto so ande ko starti taro enjavardešto berša kana e "parnen" dislociringej len ko majlačhe kvartia e dizjake an i Košice.

Sine havljardo kote ko odova kvarto trubul te ovel 2.500 dizutne ko 1 km2, numa akana odothe dživdinen thaj 10.000 ko 1km2, ko šartia so si sar ko desavo afrikansko gav. Ko jekh apartmano bešena thaj po 10 thaj pobut džene tari familia.

Pobaro kotor olendar pukjinena renta e apartmaneske., numa ko agor persi beršeske o borči taro napukjimo pani legarel sine paše 210.000 eura.


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 40

Yesterday 175

Week 377

Month 3943

All 431770

Currently are 48 guests and no members online

Kubik-Rubik Joomla! Extensions