Dži kote savore džanena an i BiH , sakodive si pherde informaciencar kaj but terne thaj familie džana peske tari Bosna, o pharo dživdipa si o sakodivesa e mostarsko Romenge.
Ola e Germania dikhena sar them so delqa majbuter.
Trujal o neve khera an i romani mostarsko mahala Biško Pole na sine khanči.

O šudro vakti i bavlal čhivgja butedere tikne čhaven te oven ko pire tate khera andre, salde nekobor čhave khelen sine avri an i šudri bavlal pire purane velespitencar. O rote salde so na deformiringje pes numa odova olange nae problemi. An i Hercegovina si pendžardi jekh replika kote o majšukar šoferia "pratktikujnena pe" an o bilačho hercegovsko droma e purane vordonencar. Te sine odova čačipa tegani p tikne romane čhavore ka oven majšukare velespitčie an i lumia.

Numa i panorama nane lačhi dikhibasjwe, sebepi bare kupia gunoj , pirano sastrn ko sako than garavel i panorama e lenjake Neretva. Numa sar so vakerena o mostarsko Roma tari panorama na dživdinela pe , a taro khedime plastično flaše panda majphareste dživdinela pe.

Olenge vakerena kaj si "domakinia" an o Mostar thaj akate si generaciencar thaj persi berš suportoa taro Švajcarsko Karitas, o Govermento taro Lihtenštajn thaj o Ministeriumi bašo manušikane niamia an i diz Mostar dengje pe lenge apartmania ko neve barebine salde e Romenge tari romani mahala. Numa sar so dikhela pe o neve khera nane saldeo momenti so trubul lenge.

O terno Mahir Salkanović dat taro trin čhave dikhlja o majlačho dživdipa an i Germania, Vakerel kaj an o BiH nane dživdipa. "Sium sine an o Berlin ko 2014 berš, numa angjum decizia te iranav man thaj akana odoleske sium baro pišmani., Odori lava sine socialno 1.300 eura thaj odova resel sine man dživdipaske. Akana kate nane nisavo dživdipa, odoleske mangav palem te iranav man an i Germania"

Oleskoro amala o Jasmin Ahmetović vakerel odova. " Me da sium sine an i Germania thaj den man sine 1.300 eura plus bonia šeenge. Kana resljum dengje man kher em sa so trubul mange. Čhave kana ka aven legaren len ko doktoria te dikhen si li sasto jali nasvalo. Akate nane khanči, nane amen doktori, a odori sine sa. Den sine e čhaven šea, hajbe, edukacia soske i them si lačhi thaj si len havipa" vakerel o Ahmetović.


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 41

Yesterday 175

Week 378

Month 3944

All 431771

Currently are 58 guests and no members online

Kubik-Rubik Joomla! Extensions