An o odova periodo mart -april 1943 berš an o Skopje sine upreder 7.000 Roma, a palo jekh berš ko mart 1944 berš ačhile salde 5.000 Roma?

Maršea bašo o dživdie, lafi thaj lulugja aan o Monopoli ko Skopje notiringje pe 75 berša taro Holokausto.
Ko vakti e Dujto Lumaiakere maribaske tari Makedonia sine deportirime 7114 Jaudie thaj legarde an o konc logoria. Ko odova periodo akaja teritoria sine administririmi tari Bugaria so sine la korelacia e fašistikane Germanijaja. Ki pherdi avlin an o Tutunkso kombinato sine membria taro jaudie taro majbut them, ministriam ambasadoria, deputatia, dizjakere šerutne. Čhivgje lulugja sar notacia an i memoria e viktimenge taro holokasuto.


" Bizi memoria nana avutnipa, te prostina thaj te bistra za ma ter ovel palem nikaske thaj nikote" vakergje o misafiria."

Numa savorenge si džanle kaj trujal o Jaudie jekh taro majbare viktimia ko vakti e Holokaustoske sine thaj o Roma.

Numa olenge nisar jali but hari ladžavutne kerel pe diskusia. O nomeria so si notirime o Roma sar viktimia an o Holokausto an i sasti lumia si upreder 250.000 Roma!
Sar jekh egzamplo kana dikhela pe an o arhive sar impresia kana si o Roma an o pučiba a ni Makedonia.

An o jekh dokumenti ko kerdo popis taro teganutne bugarsko legaripa an o periodo april 1943 an i Topaana sine barabutne 12.172 dizutne so olendae upreder majsiguritetno 60 -70% sine Roma jali an o numero vakerdo sine upreder 7.000 Roma!

Ko aver periodo kote si kerdo popis taro 11.03.1944 berš - gende Roma si - 5026!
O pučiba si kote bašo jekh berš "našavdile" upreder 2.000 Roma?

Panda majparadoksalno si so an o aprilo 1943 berš an o Skopje gnede si barabutne an o Skopje 64.659 dizutne, a an o mart 1944 Skopje gejnela sa 68.049 dizutne. Jali bašo paše 4.000 dizutne majbut jekhe beršeske, numa 2.000 Roma pohari odole periodeske ko Skopje.
Trubul li majhor analiza akale dokumentenge?


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 4

Yesterday 111

Week 263

Month 3570

All 443594

Currently are 56 guests and no members online

Kubik-Rubik Joomla! Extensions