O Nikola Vavić (26) jekh taro lideria e tifozengere grupake taro Partizan "Alkatraz" sine krisime šov masek kherutno phanlipa telel elektronsko kontrolaja kana brutalno margja e Nataša M. (21) ko agor e masekoske avgust persi berš anglal o splavia ko Beograd.

Sar so havljaren o mediumia o incidento ulo kana anglal jekh splavi an o Beograd , o Vavić notiringja kaj i Nataša M. thaj o Nebojša G. thaj panda duj aver Romane čhave giljaven sine thaj khelena sine an i romani muzika.

Odoleske o Vavić prokomentiringja premal olende: " So šunena odoja romani muzika retardirano" thaj počmingja i verbalno čhingar e Nebojšaja kote maškar olende duj džene ačhili i Nataša M. O Vavić ko odova momenti saste zorea olakere mobilno telefonea khuvgja la ko šero kote so palo odova oj peli saste ratavarde šerea.

Pali akaja bibaht i džuvli sine legardi an o hospitalo kote sine konstatirime phare ratvarina - fraktura an o šero .
Palo ando kriseskoro dekreto o advokatia taro Vasić namangle te den akti mujal akaja decizia.

Link: https://www.blic.rs/vesti/hronika/sta-slusate-ciganske-pesme-debili-kako-je-voda-navijaca-pretukao-devojku-ispred/4tx2tlx


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 7

Yesterday 111

Week 266

Month 3573

All 443597

Currently are 63 guests and no members online

Kubik-Rubik Joomla! Extensions