Angleder da taro 1933, an o desave lumiakere rodaripa arakhen pe akala informacie::
• Taro dujto jekvaš ko 14 veko , o Roma so resle an i Valhia thaj Moldavia (akanutni teritoria tari Romania) wsine sar robia. Akava sine 500 berša. O Roma - robia sine telel o ingerencie taro o princia, manastiria jali privat persone. O robia na sine sar aver persone thaj sine klasificirime sar ploipa olengere gazdenge.
Taro Codo e Vlahiake ko starti e 19 vekoske o Baro rimsko imperatoro, Maximilian I (pendžardo sar Thagar e Germanconge) dengja dekreto sa e Romenge te ikljoven tari oleskiri imperia dži ko Krečuno - Veligdano 1501 berš . Sa o Roma so ačhile pali odoja data si notirime sar čora thaj šaj sine te oven astarde thaj mudarde. sakonestar.


•An i Francia o Luj XII (1504), FransoaI (1539) thaj o Čarls IX (1561) "O Roma" si paldime tari Imperia . An o 1666 , o Luj XIV angja dekreto sa o murša Roma trubul te oven phanle thaj bičhavde ko galie bizo te kerel pe kriso.
• An i Švedia ko 17 -to veko keren sine zorea sterilizacia thaj deportacia e Romenge. An o 1637 ko "Kanoni humlavipaske" kergja te ovel legalno o mudaripa sa e Romenge so si an i teritoria tari odoja Imperia.
• An i Holandia an o 18 veko sine organizirime aktivitetia tari i policia thaj o askeri mujal o Roma. Ola sine pendžarde sar "heidenjachten" si kerdo an o 1728 berš. Ko vakti kana agorkergja pobuter taro viktimia sine mudarde tari them , jali predajngje pe e themake.
• An i Anglia ko vakti taro Henri VIII, e Romenge na sine mukhlo te khuven an i odoja teritoria . Sako Rom so ka ovel sine arakhlo ka ovel sine deportirime. An o 1554 berš i thagarutni Meri angja "kanoni e Egjipkjanenge" so sine notirime te sian sine Rom ka mudaren tut. An o 1714 berš o britansko Roma sine bičhavde an o Karibia sar robia.
• An o 1747 berš o episkopi taro Oviedo sikavgja o propozalo taro thagar o Ferdinand VI tari Špania te faisalkerel o "Romano problemi" thaj olengere deportaciaja thaj savakteskere paldibaja tari teritoria e thagaripaske jali te kerel pe sar geto thaj panlipe e saste teritoriake kote si o Roma. O propozalo sine implementirime an o jekh dive an i them thaj angja dži ki integracia taro 10-12.000 manuša.
• An o 1773 berš i Majka Tereza i thagarutni tari Austro . ungariakiri imperia , dengja dekreto ma te ovel prandina maškar Roma . I thagarutni ko jekh dengja dekreto sa o čhave so si dži ko 5 berša trubul te oven lende taro pire jeria thaj dende an o familie taro ungariakere farmeria.


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 31

Yesterday 219

Week 31

Month 9507

All 425960

Currently are 91 guests and no members online

Kubik-Rubik Joomla! Extensions