An o 8.02.2018 an o pervazia pire aktiviteteske o Ministeri bizo resoro thaj koordinacia em implementacia e Strategiake e Romenge 2014 -2020 Aksel Ahmedovski sine le informativno dikhiba e Romane NGO sektorea tari Makedonia.

Ko vakti akale informativno dikhibaske o membria taro NGO šungja o rpopozalia ko progresi e butikeribaske e civilno sektorea thaj buvlili diskusia so legarel pe ko aniba konkluzie thaj avutno barabutno aktiviripa so ka legaren an o majlačhe thaj kvalitetno idee an i konekcia ki Implementacia e Strategiake e Romenge 2014 -2020 berš.

Ko anglutno dive o ministeri Ahmedovski sine le bukjartno dikhiba e ministerea sastipaske Venko Filipče . Ko dikhiba sine kerdi diskusia e planenge an i Implementacia e nacionalno akcisko planeske ko sastipa.

Majodorig sine kerdi diskusia ko faisalia e transformaciake ko oficialno bukjarnoangažmani e romane sastipaskere medijatorenge . Ko jekh sine notirime ko zaruripa te kinel pe aparatura thaj averinventari e ginekološko ordinaciake an i komuna Šuto Orizari.

Ko agor e dikhibaske o duj ministria potenciringje kote salde barabutno butikeripa šaj resel pe kompletno rezultati te čaćharel pe i situacia e Romencar an i them.

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 45

Yesterday 267

Week 45

Month 7986

All 409523

Currently are 49 guests and no members online

Kubik-Rubik Joomla! Extensions