Trujal so sine len love o čhave taro romano nacionaliteto ma sinemukhlo te khuven thaj te bikinen lenge žetonia an i glipernica an o "Siti mol" . Akava notirinela o civilno aktivisto Mersiha Smailović sar so vakerela zorale kergja reakcia an i akaja situacia.

"Kana alviljum dži ki kasa dikhljum kote angleder mande udžarena duj čhave. Me gindingjum kaj ka bikinen lenge žetonia , numa dikhljum kote o bukjarno na mangel sine te bikibnel lenge, trujal so o čhave insistirinen sine te del len žetonia thaj si len love te pukjinen. Pučljum le soske kerel odova , ov vakergja kaj agjaar vakergja leske o menadžeri" vakerel i Smailović.

Pali olakiri reakcia o bukjarno angja decizia te del len žetonia e čhavenge. Sar so vakerela i Samilović akava si učo akti tari diskriminacia a o manuša šaj akava akti te notirinen le an i Komisia protektiva tari diskriminacia.

Aver rigatar , taro "Siti Mol" na mangle te den notacia a i sasti situacia vakergje prekal o telefoni. Sar so vakerela o Dejan Boškovski , bizi diferenca taro nacionaliteto okola so keren zijankeriba upral o inventari nane te oven mukhle andre.

„Konkretno odova si trin -štar čhave so o bukjarne pendžaren olen . Ukljena an o motoria , phagen o inventari m nekobor droma posavgje o basketia, nane o pak taro hokeia. Ko akava akti ola rodingje žetonia thaj na pakjava kaj na dengje olen. Konkretno akala čhave nekobor droma si dikhle lovencar ko vasta , numa o bukjarne vakergje lenge nekobor droma odole lovencar te kinen peske hajbaske jali pijbaske" vakergja o Dejan Boškovski tari flipernica an o "Siti mol".

Link: http://tv21.tv/mk/?p=164745

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 45

Yesterday 267

Week 45

Month 7986

All 409523

Currently are 50 guests and no members online

Kubik-Rubik Joomla! Extensions