Džanen li kote tumare aparatia hardžinen elektrika trujal so tumen gndinena kaj si čhinavde tari elektrika. Akaja lista taro aparatia so hardžinena elektrika em kana tumen gndinen kaj nane ukljućime.

 

Kabeli so pherel o mobilno telefono:

Buteder mukhen o kavbeli so pherel o mobilno an o štekeri trujal so phergje pire telefonia. Agjaar gnidnel pe kaj si majpraktično, thaj buteder na mangaja te ikava o kabeli. O harči so kerel o korkoro kabeli nane baro numa isi.

 

Digitalno TV antena

But hari džanena baši i buti tari digitalno TV antena , numa ola majdorig resena signalia trujal so i televizija si ačhavdi. Odova sikavel kana ačhaven i televizia , ačhaven thaj i antena, te sine tumenge sar ekstra aparati. Te na ov hardžinela 22 vatia ko dive.

 

Televizori

Dali džangjen kote basteribaja i kopča te ačhavel pe i televizia tumen ko jekh čhiven i televizia ko stand by. Bibahtake odova si agjaar- trubul saste te ikaven le tari elektrika salde kana ka ikaven o kabeli taroštekeri. O TV so na kerel buti an o dive hardžinela 24 vatia.

 

Kompjuteria thaj laptop 

Ola kanba si ačhavde da o setop thaj aver emiterno buti kerena aktiviteo. Te na manglen te "čoren tumendar" 95 vatia elektrika an o dive majlačheste ikaven o kabeli tari elektrika. Na 

 

Aparatia so sikaven o časo

Sakone si le asavko aparati an o kher. Mikrobranovo, DVD player... sa olende isi signali so sikavel o časo ko vakti kana na kerena buti. Ola agjaar hardžinena dopherde 108 vatia an o dive., Sar sa o aver, jekhutno faisali si saste te ikaven pe kabelia taro štekeria so dena elektrika.

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 44

Yesterday 138

Week 44

Month 3610

All 431437

Currently are 63 guests and no members online

Kubik-Rubik Joomla! Extensions