Akala divesa kana o mediumia informiringje bašo melale khelina taro Pandor Balog thaj agjaar anavkerdo IRU 1971 kaskoro notirime presidento si o Dorin Čoaba nane agor.

O manipulacie so kerel o Šandor Balog barabutne e IRU 1971 kote notiringje le sar oresidento an o IRU - Amerika, te šaj ov palo odova vazdel o rejtingo taro IRU 1971 kergja bari manipulacia thaj falsifikato bizo džanlipa odoleske tari rig e lungoberšengoro romano aktivisto tari Amerika o Jan Hankok a ko jekh thaj o Orhan Galjuš te notirinen ole an i odoja lista sar vicepresidentia an o IRU - Amerika!

Akale situaciake saste phravde vakergja thaj o Jan Hankok ki piri hramosardi reakcia savorenge, kaj o Šandor Balog kergja asavki manipulacia kote bizo oleskoro džanlipa thaj konsultacia notiringja le an i odoja lista sar vicepresidento an o IRU-Amerika.

Ko jekh o Hankok informiringja kaj sine an o kontakto e Orhan Galjušea kote ov da si an i odoja lista so si notirime sar vicepresidento an i IRU 1971 thaj IRU -Amerika, kote reslja leske irami informacia taro Orhan Galjuš kaj ov da nadžanel sine thaj ni jekh na kergja olea konsultacia te ovel an i lista akale funkciake.

An i oleskiri hramosardi reakcia dži ko Šandor Balog tergjola: " Miro anava thaj o anava taro Orhan Galjuš sine čhivde an o dokumento sar vicepresidentia an i IRU-Amerika a na sem sa konsultirime thaj informirime thaj na dengjum miro propozalo vash akaja funkcia. Rajo Šandor Balog buteder droma akcentiringjem kaj ni kamav te ovav buteder aktivno pe romane pučimata.

Mukhen man te precizirinav sa akava. me sem akana an i penzia tari miri pozicia an o univerziteto , thaj miro vakti nakhavav mire familiaja , hramosarav thaj ikerav sikaviba vash o romano genocido.

Kamav te ikaven miro anav taro sako tumaro dokumento , soske odova si biladžavo thaj nalegalno te hramosaren amare anava an o dokumentia.

Ko jekh akaja reakcia si bičhavdi dži ko IRU Presidento o Zoran Dimov an o agor akale informaciake an o anav taro Jan Hankok si hramosardo: " Rajo Zoran Dimov , Kamav tuke em tire IRU-ske but baro sukceso an o tumaro aktiviteto. respektoa Jan Hankok.

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 24

Yesterday 244

Week 24

Month 2844

All 363434

Currently are 21 guests and no members online

Kubik-Rubik Joomla! Extensions