Romani daj vakerela kaj nanela nisave finansiska šartia  te špaj džala ko doktori, o jerije taro khedina e Romengere,Aškaliengere thaj Egipjanengere si ko majharno nivo ko gndiba tari nivelo vakcinacia olengere čhavenge.

Sar rezultati taro na vakciniribe majhari 17 čhave ko palune nekobor dive si registririme sar astarde taro tikne luludi.

Membria taro Kosovo Pole thaj i diz Priština  šurakerge akcijaja kote so iranenape khere thaj vakcinirinena e čhaven taro adala khedinja.

„Amen lelem nesave buka diferentno metodencar, numa o efekti na iklilo ko šukar“ vakerga Remi Šala, direktori taro QKMF ko Fuše Kosovo.

Ko roko taro trin dive tari akaja akcije vakciniringepe 185 čhave, a adava sikavela kote agorkerge ekvaš buti.

Artan Aslani taro Balkan Sunflowers tano inicijatori baši akaja akcija sar so identifikujnge e familijen kola so lengere čhave isilen tikne luludi. Leskiri inicijativa sine ikerdi taro MFMC taro Fušhe Kosovo thaj UNICEF.

O Roma, Egipkjanija thaj Aškalijengere khedinja si majkhuvde taro ekstremno čhorolipa thaj o majharno nivo e educiribaske. Jek a jek o rana tikne prandinja taro akala khedinja rezultirinena čhavencar na dovolno sastipaskere sekiribaja thaj bilačhipaja.

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 158

Yesterday 235

Week 921

Month 6764

All 358747

Currently are 66 guests and no members online

Kubik-Rubik Joomla! Extensions